E qëlluan me sende të forta, policia shoqëron disa persona

Burimet paraprake nga policia thanë se ngjarja ka ndodhur në Sanxhak, rreth orës 20:15, ku shtetasi Lleji Lika, banues në Kurbin, pasi u qëllua nga disa persona me sende të forta, u dërgua për mjekim më të specializuar në Spitalin e Traumës në Tiranë.

Mësohet se policia ka shkuar menjëherë në vendngjarje dhe ka shoqëruar disa persona që mund të kenë dijeni për ngjarjen.

Po ashtu, policia vijon krehjen e zonës për kapjen e autorëve.

Ndërkaq, grupi hetimor ka shkuar në vendngjarje dhe po punon për sqarimin e plotë të shkakut dhe rrethanave të ngjarjes, si dhe identifikimin e personave të përfshirë në konflikt.

Njoftimi i plotë: 

Rreth orës 20:15, në Sanxhak Kurbin, shtetas ende të paidentifikuar kanë goditur me sende të forta, duke i shkaktuar dëmtime, shtetasin Ll. L., banues në Kurbin, i cili është dërguar në Spitalin e Traumës Tiranë.

Shërbimet e Policisë menjëherë kanë shkuar në vendngjarje dhe kanë shoqëruar disa shtetas që mund të kenë dijeni për ngjarjen.

Shërbimet e Policisë vijojnë krehjen e zonës për kapjen e autorëve.

Grupi hetimor ndodhet në vendngjarje dhe po punon për sqarimin e plotë të shkakut dhe rrethanave të ngjarjes, si dhe identifikimin e personave të përfshirë në konflikt.