E rëndë! Mbytet pushuesi nga Kosova në Velipojë

Ngjarja ndodhi pasditen e sotme në zonën e “Plazhit të Vogël”. I moshuari ishte futur në det për t’u larë kur dyshohet se pësoi arrest kardiak.

Një ngjarje tragjike është shënuar pasditen e sotme në Velipojë, ku një 82-vjeçar nga Kosova ka humbur jetën teksa ndodhej në det.

Sipas informacioneve paraprake, ngjarja është regjistruar rreth orës 15:30 në zonën e “Plazhit të Vogël”. I moshuari, i identifikuar me inicialet E. M., dyshohet se ka pësuar arrest kardiak gjatë kohës që po lahej.

Për shkak të gjendjes së rënduar shëndetësore, 82-vjeçari ka humbur ndjenjat në ujë dhe më pas është mbytur.

Pas njoftimit për ngjarjen, në vendin e incidentit kanë mbërritur shërbimet përkatëse dhe grupi hetimor, të cilët kanë nisur verifikimet për të sqaruar me përpikëri dinamikën e ngjarjes.

Hetimet vijojnë për dokumentimin e plotë të rrethanave dhe përcaktimin e shkakut të vdekjes.