Nxirret trupi i dytë i pajetë, babai i 3 fëmijëve

Ka shkuar në dy numri i viktmave të minatorëve të zënë brenda nga shembja e galerisë në Tropojë. Policia njofton zyrtarisht se personi i dytë i nxjerrë i vdekur nga shembja e galerisë është i moshës 40-vjeçare.

Pavarësisht ekipit të Shpëtimit që ndërhyn kur ka avari në miniera, ata nuk kanë mundur të shpëtojnë të riun.

Në fillim u nxorr Adil Dautaj 41 vjeç dhe pak orë më pas është nxjerrë edhe Afrim Zhutaj, 43 vjeç. Zhutaj është nga fshati Kepenik dhe baba i tre fëmijëve.

Tropojë/ Informacion shtesë.

Në vijim të informacionit të dhënë më parë, në lidhje me shembjen e galerisë në fshatin Lajthizë, ku humbi jetën shtetasi A.D, 41 vjeç dhe mbeti i bllokuar në brendësi të galerisë shtetasi A.ZH, ju informojmë se:

Nga grupi i Avari-Shpëtimit të Minierave, punonjësit e Policisë dhe minatorët, u bë e mundur nxjerrja e trupit të pajetë të shtetasit A. Zh., 40 vjeç, banues në Kepenek, Tropojë.

Grupi hetimor nën drejtimin e Prokurorisë së Rrethit Gjyqësor Tropojë po vijon hetimet për zbardhjen e shkaqeve të kësaj ngjarje.