E zuri skrepi poshtë, 17-vjeçari që humbi jetën nuk ishte punëtor në kantier

Në fillim u tha se ai ishte punëtor i kantierit të ndërtimit, por më pas doli që i riu nuk punonte aty, por kishte ardhur për të takuar ta afërmin e tij, manovatorin e skrepit.

Në një moment, ky i fundit nuk e ka parë djaloshin nga Radhima, dhe e ka goditur me vinç, duke i shkaktuar vdekjen e menjëherëshme.

Informacion paraprak

Rreth orës 16:20, në lagjen “Ujë i Ftohtë” Vlorë, pranë Kalasë, një mjet vinç duke kryer punime pastrime territori në këtë zonë, ka aksidentuar një shtetas ende të paindentifikuar, i cili si pasojë ka ndërruar jetë në vend.

Policia ka shoqëruar drejtuesin e mjetit, shtetasin B.Ç., 29 vjeç, banues në Librazhd, i cili po merret në pyetje në lidhje me ngjarjen.

Grupi hetimor ndodhet në vendngjarje dhe po kryejnë hetimet e mëtejshme për sqarimin e rrethanave.