Vritet me armë zjarri ish-oficeri i policisë, “blutë” në kërkim të autorit të ngjarjes (EMRI)

Një ngjarje e rëndë ka ndodhur mëngjesin e kësaj të hëne në Laç, ku është vrarë me armë një person. Viktima është Xhelal Reçi, ish-efektiv policie. 

61-vjeçari është ekzekutuar në afërsi të një banke në qytetin e Laçit, ndërsa janë ende të paqarta rrethanat e ngjarjes.

Uniformat blu kanë rrethuar zonën, si dhe janë ngritur pika kontrolli, me qëllim kapjen e autorit. Bëhet me dije se në vendin e ngjarjes kanë zbarkuar edhe grupe të FNSH-së.

Reçi zotëron një butik dhe një bar kafe në Laç. Mësohet se viktimën edhe më herët kishin tentuar ta vrisnin.

Në vitin 2020 atij i kishin bërë atentat, ndërsa ishte në makinë me bashkëshorten dhe dy djemtë e mitur.

Policia njoftonte për rastin e atentatit në 2020 se “në lagjen ‘’Xhenjo’’Lezhë, në rrugën Lezhë-Shëngjin, dy persona të paidentifikuar, të cilët lëviznin me një motorçikletë dhe skafanda në kokë, kanë qëlluar më armë zjarri pistoletë 3 herë, në drejtim të automjetit tip Mercedes Benz C Class me ngjyrë gri me targa AA 811 AB, me të cilin po lëvizte shtetasi Besnik Xhelal Reçi, i datëlindjes 31.08.1985, banues në Gjorme Kurbin, sëbashku me familjen e tij, bashkëshorten dhe 2 djemtë e mitur.

Në cilesinë e provës materiale u bllokua një gëzhojë me përmasa 9x19mm dhe një kapsollë detonatore e pa gropëzuar si dhe një fishek i pa gropëzuar. Nenet 76, 22, dhe 278 të K.Penal “.

Ndërkohë policia njofton se pas vrasjes është rrethuar zona, si dhe janë ngritur pika kontrolli, me qëllim kapjen e autorit, ndërsa në afërsi të lumit është gjetur dhe një makinë e djegur.

Në ndihmë të Policisë lokale janë nisur grupe të FNSH-së dhe një grup i posaçëm hetimor për të bërë të mundur zbardhjen e plotë të rrethanave të ngjarjes, identifikimin dhe kapjen e autorëve.

NJOFTIMI

Rreth orës 07:23 , në afersi të një banke, në qytet Laç, Kurbin. në rrethana ende të paqarta është vrarë me armë zjarri shtetasi Xh.R.

Shërbimet e Policisë kanë rrethuar zonën, si dhe janë ngritur pika kontrolli, me qëllim kapjen e autorit.

Në ndihmë të Policisë lokale janë nisur grupe të FNSH-së dhe një grup i posaçëm hetimor për të bërë të mundur zbardhjen e plotë të rrethanave të ngjarjes, identifikimin dhe kapjen e autorëve.