Elbasan, në pranga tre të rinj kishin drogë në makinë
Tre persona jane vene ne pranga teksa transportonin droge ne automjet. Policia ben me dije se ka funalizuar nje tjeter goditje në fushën e narkotikëve, falë besimit, bashkëpunimit dhe ndërgjegjësimit të komunitetit.
Sipas policise, gjate kontrollit të ushtruar në automjetet e tyre, kanë gjetur rreth 29 kilogramë lëndë narkotike e llojit kanabis, e cila u sekuestrua në cilësinë e provës materiale.
Njoftimi i policise
Në vijim të punës për parandalimin dhe goditjen e personave që tentojnë të trafikojnë lëndë narkotike, mbi bazën e një informacioni të marrë nga qytetarët, Specialistët e Seksionit për Hetimin e Narkotikëve dhe Trafiqeve të Paligjshme në Drejtorinë Vendore të Policisë Elbasan arrestuan në flagrancë shtetasit:
• Xh.S., 23 vjeç, banues në Fratar, Mallakastër.
•A.T., 26 vjeç, banues në Darzezë, Fier.
• J.S., 37 vjeç, banues në Fier.
Shërbimet e Policisë gjatë kontrrollit të ushtruar në automjetet e tyre, kanë gjetur rreth 29 kilogramë lëndë narkotike e llojit kanabis, e cila u sekuestrua në cilësinë e provës materiale.
Gjithashtu u sekuestruan dhe 2 automjete e 3 aparate celularë.
Materialet hetimore i kaluan Prokurorisë pranë Gjykatës së Shkallës së Parë Elbasan, për veprën penale ” Prodhimi dhe shitja e narkotikeve e kryer në bashkëpunim”.
Keni një histori? Denonco anonimisht, identiteti juaj mbrohet.
Denonco
