EMRI/ Gjykata e Lartë rrëzon Apelin e Vlorës, çon në burg Kryeinspektorin e IMT-së Himarë

Gjykata e Lartë e Vlorës ka rrëzuar vendimin e Gjykatës së Apelit, duke vendosur masën “Arrest me burg” për kryeinspektorin e IMT-së të Bashkisë së Himarës, 37-vjeçarin, Melseid Nelaj.

Nelaj dyshohet se me veprimet dhe mosveprimet e tij ka lejuar ndërtime pa leje në zona të ndryshme të Himarë.

Njoftimi i plotë: 

Specialistët e Hetimit të Krimit Ekonomiko-Financiar në DVP Vlorë bënë ekzekutimin e vendimit penal të Gjykatës së Lartë, për shtetasin Melseid Nelaj., 37 vjeç, banues në Sarandë, Kryeinspektor pranë Inspektoriatit të Mbrojtjes së Territorit të Bashkisë Himarë

Gjykata e Lartë ka vendosur prishjen e Vendimit datë 28.07.2021, të Gjykatës së Apelit Vlorë, e cila kishte vendosur masën “Detyrim paraqitje”, dhe lënien në fuqi të vendimit të Gjykatës së Shkallës së Parë Vlorë, datë 14.07.2021”, e cila ka caktuar për këtë shtetas masën e sigurisë “Arrest në burg”, për veprën penale “Shpërdorimi i detyrës”

Ky shtetas dyshohet se, me veprimet dhe mosveprimet e tij, ka lejuar ndërtime pa leje, në zona të ndryshme, në Himarë. Materialet i kaluan Prokurorisë, për veprime të mëtejshme.