Endri Fuga debatin me gazetarin në Twitter: Avioni s’është privat i Ramës, e ka me marrëveshje

Teksa replikon me gazetarin investigativ Besar Likmeta, Fuga thotë se dy llogari anonime kanë postuar me distancë nga njëra-tjetra të njëjtin mesazh denigrues ndaj Ramës, njëra në shqip e tjetra në anglisht.

Gazetari i BIRN ironizoi kryeministrin duke shkruar se ikja e tij me avionin e “Air Albania” në Paris për fundjavë është “stili oligark i dstancimit social” për aq sa Rama mund t’i afrohet këtij stili.

“Edhe nëse ato që thua janë të vërteta, a e bën avionin “personal të Ramës”? i replikon Fuga-gazetarit Likmeta i cili i përgjigjet “Më vjen mirë që po ndjek logjikën time por faktet janë se ai po fluturon me një avion që është “privat” sipas një “marrëveshjeje”.

“Nuk di asnjë udhëheqës tjetër që të ketë një marrëveshje të tillë. Më vjen mirë që e ndjek logjikën time dhe e e kupton se çfarë them janë të vërteta”, vijon gazetari.

“Atëherë bëj më shumë kërkime”, i përgjigjet Fuga, të cilit gazetari Likmeta ia kthen “Më vjen keq por kërkimet për fakte alternative i bën departamenti tuaj. Unë bazohem te faktet e thëna publikisht”.