Kryeministri Edi Rama është përplasur me Eni Vasili, pasi moderatorja e quajti atë “arrogant” për shkak të ndërhyrjeve të shpeshta në bisedë duke i kërkuar asaj “të rrijë urtë”.
Rama i ka thënë moderatores Eni Vasili të “mos i tregojë si të sillet”, madje i ka shtuar se nëse e bën edhe një herë një gjë të tillë, nuk do të marrë më pjesë në emisioni e saj.
Debati eskaloi si më poshtë:
Edi Rama: Eni, Eni, Eni, rri urtë
Eni Vasili: Mos u bëni arrogant zoti kryeministër
Edi Rama: Nuk e di a e ke ndjekur emisionin tënd po i jam përgjigjur pyetjes në pjesën e parë
Eni Vasili: A mund ta sqaroni edhe njëherë?
Edi Rama: Nëse ju më tregoni mua edhe një herë tjetër se si duhet të sillem unë nuk do të marr më pjesë në emisionin tuaj
Eni Vasili: Zoti kryeministër jeni i lirë…
Edi Rama: Të mos merremi më me këtë, mbaje mend atë që të thashë
Eni Vasili: Je i lirë
Edi Rama: Zgjidhe vetë, nuk më ke më më emisionin tënd
Eni Vasili: Kaluam nga fyerjet në kërcënime
Edi Rama: Nuk mund t’i tregosh kryeministrin si do të sillet
Eni Vasili: Zoti kryeministër më fyet për të disatën herë.
