Erdogani i bën thirrje Putinit : Ul tensionet në Ukrainë!

Presidenti i Turqisë, Recep Tayyip Erdogan, i bëri thirrje homologut të vet rus, Vladimir Putin, të mos përshkallëzojë më shumë tensionet, pasi Moska sulmoi me dronë objektet jetike për eksportimin e drithërave nga Ukraina. Erdogani luajti një rol kyç në ndërmjetësimin e marrëveshjes, e cila u prish për eksportimin e sigurt të drithërave ukrainase përmes Detit të Zi dhe u pozicionua si ndërmjetësues në konflikt. Ai e vuri në dukje rëndësinë e kësaj marrëveshjeje, e cila u quajt “ura për paqe” në një komunikatë për media të Presidencës turke. Sulmet ruse me dronë dëmtuan objektet e drithërave në portet e Ukrainës, Odesa dhe Izmail, dhe pasojat e këtyre sulmeve ndikuan në rritjen e çmimeve të drithërave. Erdogani u zotua të vazhdojë me këmbëngulje përpjekjet diplomatike për ta rikthyer në fuqi marrëveshjen. Ndër të tjera, ata u pajtuan për një vizitë të Putin në Turqi, megjithëse nuk u specifikua ndonjë datë e caktuar për këtë vizitë.