Eriksen firmos me Interin, Flamengo blen Gabigolin. Ditë aktive në merkato për zikaltrit

Nëpërmjet rrjeteve sociale dhe faqes zyrtare, zikaltrit kanë zyrtarizuar afrimin e danezit, i cili ka nënshkuar një kontratë deri në vitin 2024 me klubin italian. Ky është afrimi i tretë për Interin, pas Jang dhe Mozes në merkaton e janarit.

Totenhem do të arkëtojë plot 20 milionë euro nga shitja e “yllit” danez. Për t’u përmendur është fakti se prezantimi i lojtarit është bërë në mënyrë “teatrale”.

Ndërkaq ka dhe një largim nga skuadra, teksa bëhet fjalë për Gabigol, i cili tashmë ka kaluar përfundimisht te Flamengo. Klubi brazilian ka paguar klauzolën e lojtarit, prej 18 milionë eurosh dhe tashmë zotëron 100% të kartonit të tij.