Erion Dasho tregon ‘formulën’ për të zhdukur Covid-19 dhe përjashton dy kategori: Vaksinimi i tyre i parakohshëm

Kështu është shprehur epidemiologu, Erion Dasho, i cili në “A2CNN”, tha se personeli mjekësor dhe të moshuarit, duhet të kenë prioritet, në mënyrë që dimrin e ardhshëm, të mos kemi një valë tjetër të Covid-19.

Sipas Dashos, vaksinimi i kategorive të policëve dhe mësuesve është i parakohshëm pasi numri i vaksinave është i ulët.

“Në Shqipëri është përcaktuar si prioritet personeli mjekësor, kam dëgjuar për policët, kam dëgjuar për mësuesit. Kategoritë e policëve dhe mësuesve, mua më duken të parakohshme pasi kemi vetëm 10 mijë vaksina.

“Për mua, këto vaksina duhet të shkonin fillimisht për personelin mjekësor, i cili përveçse do të ishte imun, do të mësonin se si t’i administronin vaksinat. Nga analizat që unë kam bërë vazhdimisht, mendoj se imuniteti duhet të jetë nga 40 deri në 60%.

“Duke qenë se dozat e vaksinës janë të kufizuara, duhet të vendoset prioriteti te personeli mjekësor që ende nuk e ka kaluar koronavirusin dhe te personat me moshë mbi 65 vjeç. Nëse Shqipëria do të arrijë që të vaksinojë këta persona para stinës së verës, jam i sigurt që do të parandalohet një valë tjetër e virusit në sezonin e virozave 2021-2022,”– tha epidemiologu.