Fejesa e Arminës dhe Shkëlzenit dje FOTOT

Djali i ish-kryeministrit të Shqipërisë, Sali Berisha, Shkëlzeni dhe modelja e njohur Armina Mevlani, kanë zyrtarizuar dje lidhjen e tyre në fejesë.

Kjo ngjarje u festua në një ceremoni private në Tiranë, të organizuar dhe të menduar mirë deri në detaje.

Ndër të tjera dekori gjatë ceremonisë i ngjante një përralle të vërtetë. Veç fustanit plot lule që kishte zgjedhur blogerja në sallën ku u organizua festa binte në sy një mur gjigant i zbukuruar me trëndafila të bardha.

Në imazhet e publikuara nga vetë Armina shihej se si nëpër tavolina kishte kompozime me lule në nuanca të ngrohta: rozë dhe lejla, të cilat kombinoheshin këndshëm me ngjyrën e artë.

Shkëlzeni i propozoi Arminës më 23 tetor të vitit 2016, në një stol të një kështjelle në liqenin e Komos, Itali.