Fëmijët polakë dalin nga urgjenca/ Si paraqitet gjendja e tyre shëndetësore

22 fëmijëve polakë të cilët u paraqitën të helmuar në urgjencën e spitalit të Vlorës kanë dalë nga spitali dhe janë në gjendje të mirë shëndetësore.

Me kërkesë të institucioneve atyre u është kërkuar që të mos udhëtojnë për shkak të gjendjes së tyre shëndetësore.

Akomodimi është marrë përsipër nga operatorët turistikë.

Pjesa tjetër e turistëve do ta lënë urgjencën këtë mëngjes, pasi gjendja e tyre shëndetësore është përmirësuar.

Policia bëri me dije mbrëmjen e kaluar se rreth orës 20:10, në spitalin e Vlorës, u paraqitën për ndihmë mjekësore, me simptoma helmimi nga ushqimi, 41 shtetas polakë (turistë).

Këta persona gjatë ditës së djeshme, kishin qenë me guidë, me anije turistike, në ishullin e Sazanit.

Pas lajmit pati dhe një reagim nga AKU. Në deklaratë thuhej se gjetjet paraprake orientonin tek një lidhje e mundshme mes operatorit që ka shërbyer ushqim dhe kushteve klimaterike me temperatura të larta