Ferit Hoxha i ‘zë’ karrigen Ramës, e detyrojnë të ngrihet menjëherë

Një episod i pazakontë dhe disi i sikletshëm është regjistruar sot në sallën e Kuvendit, duke tërhequr vëmendjen e të pranishmëve.

Për pak çaste, karrigia e kryeministrit Edi Rama është përdorur nga ministri i Jashtëm, Ferit Hoxha.

Gjatë zhvillimit të seancës, Ferit Hoxha është parë teksa ulet përkohësisht në vendin e kreut të qeverisë, ndërsa ishte duke biseduar me zëvendëskryeministren Albana Koçiu.

Siç u vu re edhe nga të pranishmit, situata zgjati vetëm disa momente. Një punonjëse e Administratës së Kuvendit ndërhyri duke i kërkuar ministrit të lirojë vendin, duke i rikujtuar se ajo karrige i përket ekskluzivisht kryeministrit.

Pas këtij momenti, Hoxha u ngrit dhe u rikthye në vendin e tij, ndërsa më pas ishte Koçiu ajo që iu afrua për të vijuar bisedën në mënyrë më diskrete.