FIER/ 19 vjeçari me AUDI, përplas një kalimtar
Një aksident i rëndë ka ndodhur në qytetin e Fierit, ku një 19 vjeçar duke drejtuar makinën e tij me shpejtësi ka përplasur një 46 vjeçar.
Nga policia bëhet me dije se drejtuesi i mjetit ishte 19 vjeçari K.E, ndërsa i plagosur ka mbetur T.Gj, 46 vjeç, banues në Daullas, i cili është dërguar në spitalin e Fierit ku po merr mjekimin e nevojshëm.
“Sot rreth orës 21:15, në fshatin Daullas, shtetasi K. E., 19 vjeç, duke drejtuar automjetin tip “Audi”, ka aksidentuar shtetasin T. Gj., 46 vjeç, banues në Daullas, Fier, i cili ishte duke lëvizur në këmbë.
46-vjeçari ndodhet në Spitalin Rajonal Fier nën kujdesin e mjekëve.
Eshtë shoqëruar drejtuesi i mjetit në Komisariatin e Policisë Fier dhe po kryhen veprimet proceduriale.
Grupi hetimor po punon për zbardhjen e plotë të ngjarjes”, thuhet në njoftimin e policisë.
Keni një histori? Denonco anonimisht, identiteti juaj mbrohet.
Denonco
