Fier/80-vjeçari u godit nga 47-vjeçari , në gjendje të rëndë

Përditësuar më 13 Tetor 2024, 19:37

Një ngjarje e rëndë është regjistruar në fshatin Povelçë të Fierit.

47-vjeçari me iniciale I. N. ka dhunuar një çift të moshuarish.

Ai ka qëlluar me grushte në ambientet e jashtme të dyqanit ushqimor 80-vjeçarin N. R. dhe bashkëshorten e tij 77-vjeçare A. R.

Të dy të moshuarit kanë mbetur të plagosur dhe janë dërguar në spital. 77-vjeçarja A. R. ka marrë mjekim dhe është larguar drejt banesës.

Nga ana tjetër, bashkëshorti i saj është në gjendje të rëndë, i intubuar në spitalin e Fierit.

Lidhur me këtë ngjarje është arrestuar nga policia autori.

Ndërkohë, materialet procedurale do të referohen në Prokurorinë pranë Gjykatës së Shkallës së Parë të Juridiksionit të Përgjithshëm Fier për veprën penale “Plagosje e rëndë me dashje”.