Një 20-vjeçar që ka shkaktuar një aksident mbrëmjen e djeshmë në Fier, si pasojë e të cilit u shënua edhe një humbje jete, është arrestuar sot. Ngjarja ndodhi në vendin e quajtur “Kryqëzimi i Grecallisë” në Fier ku humbi jetën një 52-vjeçat.
“Në vijim të informacionit të dhënë mbrëmjen e djeshme, për një aksident në vendin e quajtur “Kryqëzimi i Grecallisë”, Fier, ku automjeti me drejtues shtetasin B. H. përplasi shtetasin D. Gj., 52 vjeç, i cili humbi jetën në spital, informojmë se specialistët e Sektorit të Policisë Rrugore të DVP Fier arrestuan në flagrancë shtetasin B. H., 20 vjeç, banues në Mbrostar Ura”, thekson policia.
