Flet Eliona e 2XL: Më morën për aktore pasi më panë topless

Prej dy vitesh Eliona Pitarkën e shihni si pjesë e kastit të aktorëve të 2XL, por më parë ajo njihej si prezantuesja seksi që jepte lajmet topless, e veshur vetëm me një xhaketë që i tregonte format.

E ftuar në “Mos i fol shoferit”, Eliona shprehet se nuk është penduar për daljen e saj në ekran topless. E pyetur nga Rudina Dembacaj se pse mendon që i kanë bërë ftesën për të qenë pjesë e kastit të 2XL, Eliona u shpreh se ka ndikuar fakti që ajo bëri bujë tek lajmet.

“Mendoj që ajo që donte Turi ishte pikërisht kjo femra koketë dhe që të provokonte dhe e gjeti tek unë sepse ishte ajo buja që bëra tek lajmet. Mendoj se isha personi pa komplekse dhe që do ta luante më së miri rolin e femrës provokuese në Apartament. Kjo ishte pika ime e fortë”, u shpreh Eliona.