Forcat izraelite sulmojnë civilët në Gaza, autoritetet: Goditën gojët e uritura

Zëdhënësi i Ministrisë së Shëndetësisë së Palestinës thotë se Izraeli ka kryer një sulm mbi civilët të cilët po mbanin radhë në mënyrë që të siguronin ushqim nga ndihmat humanitare.

“Okupacioni izraelit kreu një masakër të re kundër mijëra gojëve të uritur që prisnin ndihmë”, tha Ashraf al-Qudra në një deklaratë në Telegram.

Autoritetet njoftuan se si pasojë e sulmit humbën jetën të paktën 20 persona ndërsa 150 të tjerë mbetën të plagosur.

Numri i viktimave pritet të rritet në orët në vijim, pasi sipas ministrisë dhjetëra të plagosur janë në gjendje të rëndë.