FOTO/ Aksidente në autostradën Tiranë-Durrës

Pesë automjete janë përfshirë në dy aksidente të ndryshme të ndodhura pasditen e sotme në autostradën Durrës-Tiranë, në afërsi të Sukthit.

Rreth orës 17:00 është regjistruar aksidenti i parë në autostradë, ku një autoveturë e tipit BMW është përplasur me me një automjet tjetër para saj. Vetëm pak çaste më  vonë dhe pak metra më larg, tre autovetura godasin njëra-tjetrën.

Mësohet se shkak i dy aksidenteve ka qenë shpejtësia e madhe me të cilën lëviznin, por fatmirësisht përveç dëmeve materiale nuk ka patur të lënduar në njerëz.

Aksidentet sollën trafik në autostradë, që u rregullua me ndërhyrjen e forcave të policisë rrugore.