FOTO/ Flori Mumajesi ndryshon postimin, kapet edhe me gazetarin shqiptar

Sabri Fejzullahu dhe Flori Mumajesi ishin në qendër të vëmendjes së mediave ditën e djeshme, pas një “konflikti” virtual.

E gjitha nisi kur Fejzullahu gjatë një interviste u shpreh se shumë këngëtarë blejnë klikimet e klipeve, ndërsa mori shembull Flori Mumajesin, i cili sipas tij për një ditë ka marrë 3 milionë klikime.

Pas deklaratës së tij, ditën e djeshme Mumajesi reagoi përmes një postimi në Instagram, duke u shprehur se nuk ka qenë asnjëherë shembull për blerjen e klikimeve.

Gjithashtu kantautori u shpreh se nuk ndërhyn në jetën e të tjerëve dhe kërkon të njëjtën gjë nga ata.

Megjithatë, pos këngëtarit Flori më vonë ka edituar shkrimin duke akuzuar në fund edhe gazetarin e emisionit, Shpend Lipa, i cili thjesht është pajtuar me fjalët që Sabriu ka thënë.