FOTO/ Kjo është ndërtesa e drejtësisë që do të përfshijë tre institucione të rëndësishme

Në Tiranë u inaugurua sot Pallati i ri i Drejtësisë ku do të qëndrojnë disa institucione të reja. Ndërtesa quhet “Poli Drejtësia”, që nënkupton shumë institucione.

Aty do të “strehohen”, Këshilli i Lartë i Prokurorisë, Këshilli i Lartë Gjyqësor dhe Shkolla e Magjistraturës.

Afro 270 persona si pjesë e administratës së KLP-së, KLGJ-së dhe Shkollës së Magjistraturës do të akomodohen në këto ambiente.

Këto janë disa nga fotot më të veçanta të kapura gjatë mbrëmjes së sotme ku u inaugurua, ku merrnin pjesë edhe politikanë, por jo liderët kryesor.

Pjesë e inaugurimit të kësaj godine ishin, e ngarkuara me punë e SHBA-ve në Tiranë Leyla Moses-Ones, shefja e ONM-s Genoveva Ruiz Calavera, ministrja e Drejtësisë Etilda Gjonaj si dhe drejtuesit e KLP, KLGj dhe Magjistraturës.