Video-Foto/ Të shtënat me armë në Vlorë, ja pse dhe kush është autori i atentatit

Burime nga policia lokale thanë se nuk ka persona të lënduar nga të shtënat.

DINAMIKA

Autori dyshohet se e ka thirrur e më pas ka qëlluar me pistoletë në drejtim të tij, pasi biznesmeni ka dalë nga subjekti.

Personi që shkrepi armën e zjarrit është identifikuar dhe është shpallur në kërkim policor. Mësohet se ai është me iniciale L.B.. Nga ana e policisë, po punohet edhe për ndalimin e personave të tjerë të dyshuar si të përfshirë në ngjarje.

Në një njoftim paraprak lidhur me ngjarjen, policia lokale saktësoi se të shtënat ishin 3 dhe se u qëllua me pistoletë.

“Rreth orës 22:00, në lagjen “Pavarsia 3”, janë dëgjuar 3 të shtëna me armë zjarri (pistolete), ku nga të shtënat paraprakisht nuk ka rezultuar të ketë persona të dëmtuar. Si rezultat i reagimit në kohë të policisë janë identifikuar autorët dhe po punohet për kapjen e tyre. Grupi hetimor ka nisur punën për dokumentimin e plotë të ngjarjes”, njoftoi zyrtarisht policia e Vlorës.