Policia në Elbasan ka goditur një grup në fushën e korrupsionit dhe shpërdorimit të detyrës, dekan –pedagog-studentë e sekser në Universitetin “Aleksandër Xhuvani” Elbasan.
Në prangat e policisë kanë rënë 7 persona pas një hetimi disa mujor me metoda speciale.
Personat e arrestuar në bashkëpunim me njeri-tjetrin në kohë të ndryshme duke shpërdoruar funksionin publik kanë kërkuar dhe ushtruar ndikim të paligjshëm në rolin e sekserit dhe pedagogut në Universitetin “Aleksandër Xhuvani” Elbasan për marrjen e notave kaluese nga studentet gjatë sezoneve të provimeve.
Mes të arrestuarve është dekani Albert Riska, shefja e departamentit të gazetarisë Elvira Lumi dhe Erjola Çalja, pedagoge e jashtme.
