FOTOT e ambasadorit të BE në Tiranë Silvio Gonzato, mbrojtës i flaktë i të drejtave të komunitetit LGBTQ

Bashkimi Europian ka emëruar Silvio Gonzato si ambasador në Tiranë.

 Gonzato zëvendëson në këtë detyrë Luigi Sorecën, pasi ky i fundit  u rikthye në Tiranë për 3 muaj si ambasador i përkohshëm i BE në Shqipëri, pas largimit të Christine Hohmann.

Përfaqësuesi i lartë i BE, Josep Borrell njoftoi emërimin e Gonzatos në krye të delegacionit të BE-së në vendin tonë.

Gonzato është një emër i spikatur në diplomacinë europiane.

Po ashtu ai është pjesë e komunitetit LGBTQ, ku shpesh ka marrë pjesë në protesta për mbrojtjen e të drejtave të këtij komuniteti.

Keto janë   disa foto të ambasadorit të ri të BE në Tiranë duke udhëhequr protestat dhe disa me partnerin e tij.

Gonzato ka shërbyer më parë si zëvendës ambasador i BE-së në Kombet e Bashkuara në Nju Jork.

Ai ka shërbyer edhe si drejtor për marrëdhëniet ndërinstitucionale, koordinimin e politikave dhe diplomacinë publike në shërbimin diplomatik të Bashkimit Europian.

Gonzato e ka kaluar pjesën më të madhe të karrierës së tij (trembëdhjetë vjet) duke punuar në Sekretariate të ndryshme të Komitetit, duke mbuluar politikat e brendshme dhe të jashtme. Përgjegjësitë e tij përfshinin këshillimin e Kryetarit të Komisionit për Punë të Jashtme lidhur me organizimin e aktiviteteve të Komisionit, kontaktet me institucionet e tjera të BE-së, marrëdhëniet me Shërbimin Evropian të Veprimit të Jashtëm dhe kontaktet me misionet diplomatike në Bruksel.