Fotot e ceremonisë, Ilir Meta gajaset ….

Krerët e lartë të shtetit ishin sot sëbashku në Varrezat e Dëshmorëve, për të bërë homazhe në kuadër të 74 vjetorit të Çlirimit të Shqipërisë.

Presidenti, Ilir Meta, Kryetari i Kuvendit, Gramoz Ruçi dhe kryebashkiaku Erjon Veliaj janë fotografuar para se të niste ceremonia teksa diskutonin me njëri-tjetrin.

Nga fotot e realizuara nga LSA, veçohet momenti ku Presidenti i Republikës në një moment ka shpërthyer në të qeshura, ndërkohë që Veliaj dhe Ruçi janë përmbajtur.

Ndërkohë që gjatë ceremonialit, ra në sy veshja serioze e Kryeministrit Rama.

Ky i fundit me hapjen e kohës, ka lënë në shtëpi veshjen e përdorur në Vlorë me dy palë tuta të veshura njëra mbi tjetrën.