“Fryhet” Vjosa, çahet diga e urës së Mifolit, përmbyten 12 banesa

VLORË- Shirat dhe stuhitë kanë bërë që lumi Vjosa të dalë nga shtrati dhe të përmbysë rreth 12 banesa.

Mësohet se deri më tani banesa të tjera të përmbytura ka edhe në Nosovelë, ndërsa diga pranë urës së Mifolit është çarë.

Përveç urës së Mifolit, të dëmtuara janë edhe ato pranë fshatit Kallarat dhe Llakatundit, ndërsa gjithashtu vihet re edhe prezencë uji në aksin nacional Vlorë-Selenicë.

Ndërkohë që për shkak të dëmtimit të urës së Mesaplikut, fshati gjithashtu është i izoluar, duke “ngujuar” rreth 300 banorë. Disa prej këtyre të fundit nga frika prurjeve të Vjosës kanë vendosur që të kalojnë natën në automjete.

Për mediat Prefekti i Vlorës Flamur Mamaj është shprehur se situate është shumë e vështirë dhe po punohet për normalizimin e saj.