Fundoset në 80 metra thellësi veliera e italianit në Sarandë
Një velierë është mbytur rreth 8 milje detare larg Sarandës në afërsi të kepit të Qefalit.
Drejtuesi i velierës që ishte personi i vetëm i ekuipazhit të anijes është shpëtuar nga policia pas lëshimit të sinjalit për ndihmë.
Ai është italian ndërsa nuk dihet nëse veliera ishte në pronësi të tij apo ishte marrë me qira në Korfuz.
Itinerari i synuar ishte Saranda. Janë duke u hetuar shkaqet e ngjarjes, ndërsa kushtet atmosferike janë përjashtuar si shkak pasi deti ka qenë i qetë dhe pa erë.
Policia kufitare është në vendngjarje ndërsa anija dyshohet të jetë zhytur në thellësinë 80 m.
Keni një histori? Denonco anonimisht, identiteti juaj mbrohet.
Denonco
