Fushë-Krujë, atentati me armë, dyshohet për disa viktima

Dyshohet për 3 persona të vrarë në Fushë-Krujë pas një atentati që ndodhi pasditen e sotme. Nga informacionet paraprake mësohet se një viktimë ndodhet pranë makinës jashtë, ndërsa mjeti është përfshirë nga flakët, por ka dyshime se brenda ka dhe 2 persona të tjerë.

Ngjarja ka ndodhur në afërsi të mbikalimit të Fushë-Krujës ku persona të paidentifikuar, kanë qëlluar me armë drejt një automjeti.

Policia bën me dije se drejt automjetit në mbikalimin e Fushë-Krujës është qëlluam me breshëri automatiku dhe janë zbrazur 50 plumba

Si pasojë, ka mbetur i vrarë një person.

Siç shihet nga pamjet, makina më pas është përfshirë flakët.

Rrethanat e ngjarjes mbeten ende të paqarta, teksa policia ka shkuar në vendngjarje për të nisur hetimet.