Gara për Avokatin e ri të Popullit, 20 kandidat aplikojnë në Kuvend!

Zgjedhja e Avokatit të ri të Popullit pritet të jetë një tjetër “sfidë” që do kalojë maxhoranca dhe opozita.

Me mbarimin e mandatit të Erinda Ballancës, kjo e fundit ka aplikuar sërish në Kuvendin e Shqipërisë për një mandat të dytë.

Në total bashkë me Ballancën janë 20 kandidatë të cilët kërkojnë të marrin drejtimin e institucionit të Avokatit të Popullit, institucion që sipas traditës politike i besohet opozitës dhe që zgjidhet me 84 vota.

Për postin e kreut të Avokatit të Popullit kandidatin, ish-drejtori i Policisë Ahmet Prençi, ish kreu i Komisionit të Ligjeve, Ilirjan Rusmali, po ashtu ish-kryetarja e KQZ-së, Lefterije Luzi.

Mes emrave bie në sy dhe ai i këshilltarit të Presidentit, Bledar Dervishaj, po ashtu emri i juristit Jordan Daci.

Kandidat për Avokat Populli është Altin Goxhaj dhe ish kreu i të përndjekurve politik, Besim Ndregjonaj.

Për këtë detyrë të rëndësishme kandidon edhe Sali Shehu, ish kreu i FRD-së, po ashtu dhe avokati dhe anëtari i KAS, Ledio Braho.