Gattuso e nis me të bërtitura te Milani

Gennaro Gattuso do të drejtojë skuadrën e Milanit të paktën deri në fund të sezonit. Ai do të pasojë trajnerin e shkarkuar, Vicente Montella.

Ish-mesfushori kuqezi ka zhvilluar sot seancën e parë stërvitore që pas emërimit në krye të stolit të Milanit, teksa mediave italiane u ka tërhequr vëmendjen vështrimi i ashpër dhe qëndrimi shumë strikt i Gattusos.

Në stërvitjen e parë në Milanello, ku prezent ka qenë edhe administratori i klubit, Fassone, legjenda e klubit ka filluar me bërtitmat e tij dhe grintën energjike që e karakterizon.