Gazetari i njohur Adriatik Kelmendi: Bojkotojeni Durrësin e Vangjush Dakos ka qëlluar një kryetar trupeshk

Shkak për këtë thirrje, është bërë një vendim i kryebashkiakut Vangjush Dako i cili ka pezulluar autobusët e ardhur nga Kosova të futen në qytet për shkak të trakut që shkaktojnë duke paralizuar qarkullimin.

Ja çfarë shkruan Adriatik Kelmendi:

Logjika idiote e këtij kryetarit të Durrësit:

Turistë nga Kosova ka shumë për këtë arsye autobusët nga Kosova duhet të mos lejohen në rrugën afër plazhit, kurse turistë të tjerë ka pak, për këtë arsye të gjithë autobusët me targa jokosovare do të lejohen!

Le t’i tregojë dikush këtij hajgarexhiu se ky vendim përveç se është diskriminim “racist” është edhe absurditet ekonomik.

Derisa të kthjellet ky farë kryetari, kosovarët mund t’i zgjedhin vendet e tjera nëpër bregdetin e Shqipërisë dhe t’ia bojkotojnë e lejnë krejtësisht Durrësin atij për vete, e ai mund të kënaqet me pakicën – “turistët e huaj”.

S’ka pse turistët nga Kosova t’ia marrin inat gjithë bregdetit të Shqipërisë për shkak se në krye të Durrësit paska qëlluar një kryetar trupeshk (po i përshtatet kjo “trupeshk” meqë po flasim për det)!