Gazmend Bardhi: Edi Rama qeveris me 2 të shpallur non grata nga SHBA

Pas publikimit të një video nga ambasada amerikane në Tiranë, numri dy i Partisë Demokratike, Gazment Bardhi thotë se kryeministri Edi Rama qeveris me dy persona të shpallur non grata nga Shtetet e Bashkuara, deputetin Tom Doshi dhe ish-kryetarin e Bashkisë së Durrësit, Vangjush Dako.

Bardhi thotë se tanimë është radha që shqiptarët të shpallin non grata Edi Ramën.

Reagimi i plotë:

SHBA ka shpallur botërisht si të korruptuar dhe të lidhur me krimin e organizuar dy prej bashkëpunëtorëve më të ngushtë të Edi Ramës. Në vend që të jetë në një linjë me partnerin tonë strategjik, Edi Rama ka graduar Tom Doshin dhe Vangjush Dakon, si mëkëmbësit e tij në Shkodër e Durrës.

Boll më me propagandë! Është koha e së vërtetës! Partnerët tanë e refuzojnë modelin që mban në këmbë Qeverinë e korruptuar të Edi Ramës: vjedhjen e pronës publike, vjedhjen e qytetarëve dhe vjedhjen e zgjedhjeve.

Tani është koha që shqiptarët të shpallin non grata Edi Ramën!

Mirënjohje Shteteve të Bashkuara të Amerikës për betejën e përbashkët për pastrimin e politikës shqiptare nga krimi dhe korrupsioni. Qeverisja e mirë dhe e ndershme, në shërbim të njerëzve të zakonshëm, është vlerë amerikane dhe europiane.

Për të marrë në kohë reale lajm