“Gëzuar Krishtlindjet dhe Vitin e Ri”/ Yuri Kim uron shqip

Ambasadorja Yuri Kim ka ndarë një video në rrjetet sociale, ku ka uruar të gjithë shqiptarët për festat e fundvitit.

Në postimin e saj, ajo shfaqet duke folur shqip dhe mjaft e buzëqeshur.

“Wishing you all the best”- shkruan krahas videos ambasadorja.

Kujtojmë se pak ditë më parë, ambasadorja ishte në qendër të zhvillimeve politike në vend, për shkak të diskutimeve për zgjedhjen e kreut të ri të SPAK.

Ditën kur u mbajt dhe procesi i votimit, ajo ishte e pranishme në sallë dhe në fund u shpall fitues kandidati Altin Dumani, i cili prej kohësh përflitej si kandidati i preferuar i SHBA-ve.

Sakaq ambasadorja ka dhënë edhe disa mesazhe lidhur me qëndrimin e saj në vend, kjo pasi u përfol gjatë edhe deklarata e ministrisë së Jashtme që thanë se kanë nisur procedurat për zëvendësimin e ambasadorjes.

Kim ia bëri të qartë politikës se ajo do të vijojë të qëndrojë edhe për disa kohë në Shqipëri, pavarësisht përfundimit të mandatit.