Giorgia Meloni mbërrin në Gjadër me helikopter, dalin pamjet brenda kampit që ruhet nga policë italianë (Video)

🎥Shiko Videon🎥

Me helikopter, kryeministrja e Italisë Giorgia Meloni ka mbërritur në Gjadër, aty ku së bashku me kryeministrin Edi Rama do të inspektojnë kampin që do të presë emigrantët sipas marrëveshjes së dy shteteve.

Sipas axhendës së publikuar nga Kryeministria, Edi Rama dhe Giorgia Meloni do të zhvillojnë një konferencë për shtyp.

Kryeministri Edi Rama dhe Kryeministrja e Italisë, Giorgia Meloni nënshkruan më 6 nëntor 2023 në Romë marrëveshjen për ndërtimin në Shqipëri të një qendre për strehimin e migrantëve.

Sipas marrëveshjes qendra do të vendoset në Gjadër të Lezhës dhe do të ketë një kapacitet maksimal prej 3 mijë personash.

Marrëveshja parashikon që të gjitha shpenzimet do të përballohen nga Italia, ndërsa pala italiane do të procedojë me kërkesat për azil.

Personat të cilëve nuk do t’u miratohet procedura e azilit do të riatdhesohen drejt vendeve të tyre, sipas marrëveshjeve dypalëshe që ka pala italiane me ato vende.

Kohëzgjatja e marrëveshjes do të jetë 5 vjet.

Ndërkohë, agjencia LSA sjell pamje nga brenda këtyre kampeve të pritjes në Shëngjin.

Mediat e huaja, ekspertët, organizatat e të drejtave të njeriut, por edhe politikanët, i kanë cilësuar këto kampe si burgje.