Dokumenti

Mustafa Martinaj, babai i Ervis Martinajt, ka paraqitur një kërkesë pranë Gjykatës së Shkallës së Parë të Juridiksionit të Përgjithshëm në Lezhë, duke kërkuar që djali i tij të shpallet zyrtarisht si person i zhdukur.

Ervis Martinaj rezulton i humbur që prej gushtit të vitit 2022, kur dyshohet se është parë për herë të fundit. Megjithëse ka pasur hetime dhe spekulime të shumta mbi fatin e tij, autoritetet deri më sot nuk kanë arritur të japin një përgjigje përfundimtare mbi vendndodhjen ose gjendjen e tij.

Kërkesa për shpalljen si person i zhdukur vjen pas më shumë se dy vitesh pa asnjë kontakt apo informacion të besueshëm për jetën apo vdekjen e tij, duke hapur rrugën për veprime të mëtejshme ligjore që lidhen me statusin civil dhe pasuror të tij.

Kërkesa në gjykatë:

Shtetasi Mustafa Martinaj kërkon  pranë Gjykatës  së  Shkallës  së  Parë  të  Juridiksionit  të Përgjithshëm Lezhë   shpalljen tëzhdukurtë shtetasit Ervis Martinaj i datëlindjes  6.10.1982, lindur  në  Burrel  dhe  banues  në  Fushë-Kuqe, Patok, Kurbin.

KËRKUES Mustafa Martinaj