Gjendet një trup i pajetë në shtratin e lumit Vjosë, Policia: Është një 47 vjeçar, vuante nga probleme të shëndetit mendor

Viktima është identifikuar si shtetasi me inicialet B.H. Ai vuante nga probleme të shëndetit mendor. Sipas policisë në trupin e pajetë të 47 vjeçarit nuk konsistonin shenja dhune.

Memaliaj/Informacion paraprak

Më datë 09.04.2021, në vendin e quajtur “Ura e Memaliaj”, në shtratin e lumit Vjosë është gjetur i pajetë shtetasi B. H., 47  vjeç, banues në Memaliaj.

Ky shtetas është larguar nga banesa në datën 31.03.2021, pasi vuante nga probleme të shëndetit mendor.

Nga këqyrja paraprake në trupin e tij nuk janë konstatuar shënja dhune. Në vendngjarje ndodhet grupi hetimor dhe po punon për zbardhjen e rrethanave të ngjarjes.