Gjiknuri: Opozita nuk e donte depolitizimin e administratës, secila palë të përgatitet për zgjedhjet e reja…

Në një deklaratë pas mbledhjes së Këshillit Politik, Gjiknuri tha se arritja e marrëveshjes është e rëndësishme edhe me pikat ku palët arritën të dakortësoheshin.

“Sot u arrit marrëveshja e negociuar dhe e mbështetur edhe nga ndërkombëtarët. U dakortësuam në pikat që ndanin palët. Qëlllimi ishte që administrata të ishte e depolitizuar, por opozita e kundërshtoi këtë, megjithatë me rregullat që kemi do ta çojmë përpara, administrata do të vazhdojë edhe në zgjedhjet e 2021. Nuk ka më kërkesa absurde për qeveri teknike apo administrim zgjedhjesh. Më në fund u kthyem atje ku ishim. E rëndësishme është që ne ta pranojmë dhe ta zbatojmë këtë sistem. Dhe në zgjedhjet e ardhshme depolitizimi do të nisë pasi do të përfshihet në kod. U pranua fakti që administrata zgjedhore edhe kështu si ka qenë e politizuar dhe e balancuar ka funksionuar. Këshilli politik do të vazhdojë të miratojë draftet që do të zbërdhejë kjo marrëveshje, do të trajtojë ligjin për referendumet. Ajo që është e rëndësishme, të përgatitet secila palë për zgjedhjet e reja edhe me këtë administratë që siç u pranua nuk është se s’ka funksionuar,” u shpreh Gjiknuri.