Gjimshiti kualifikon Atalantën, mposhtin Shaktarin dhe falë “asistit” të Sitit

Atalanta shkruan historinë. Me Berat Gjimshitin titullar që nga minuta e parë, klubi italian arriti që të mposhtë 0-3 në transfertë Shaktar Donjetskun, duke u kualifikuar si vendi i dytë në grupin C, e për të vijuar në fazën me eliminim direkt të Champions League.

Pjesa e parë u mbyll pa gola në Ukrainë, por Kastanj zhbllokoi shifrat në minutën e 66-të, një episod që u pa gjatë me VAR, por në fund u akordua gol i rregullt. Ndërkohë, goli i dytë dhe i qetësisë, erdhi në minutën e 80-të nga Pasaliç, që i dha 3 pikë të arta Atalantës.

Ndërkohë, për kualifikimin, shërbeu edhe Mançester Siti, me fitoren që arriti ndaj Dinamos së Zagrebit. Tripleta e Gabriel Zhezus, si dhe goli i Fouden, bënë të pavlefshëm një realizim mjaft të bukur nga talenti Olmo i Dinamos, dhe kroatët mbetën në kuotën e 5 pikëve. Ndërkohë, Siti kualifikohet si vend i parë me 14 pikë në grup, ndërsa avancon edhe Atalanta me 7 pikë në vendin e dytë.

FT | Shaktar Donjetsk-Atalanta 0-3

GOL:  / Kastanj 66′, Pasaliç 80′, Gosens 94′

FT | Dinamo Zagreb-Mançester Siti 1-4

GOL: Olmo 10′ / Zhezus 34′, 50, 54′, Fouden 84′