Gjirokastër,arrestohet 44 vjeçari që dhunoi nënën

Një ngjarje e tmerrshme është denoncuar nga nëna e një 44-vjeçari, me iniciale Y.P., banues në fshatin Zhulat, Gjirokastër. 71-vjeçarja ka raportuar te policia se djali i saj e kishte dhunuar dhe e kishte kërcënuar me armë gjahu.

Pas njoftimit të policisë, specialistët e Seksionit për Hetimin e Krimeve të Komisariatit të Policisë Gjirokastër kanë ndërhyrë menjëherë dhe kanë arrestuar në flagrancë shtetasin Y.P., 44 vjeç, i cili kishte ushtruar dhunë fizike dhe psikologjike ndaj nënës së tij dhe kishte kanosur atë me një armë gjahu çifte që e kishte në pronësi me leje. Në rastin e arrestimit, u sekuestruan arma e gjahut çifte, sasi municioni luftarak për këtë lloj arme, një sasi lënde të dyshuar narkotike kanabis dhe një armë të ftohtë thikë.