Gjuzi sqaron sherrin me Demaliajn: U mbrojta mirë se kam instikte boksieri!

Kujtim Gjuzi ka treguar detajet se si ndodhi incidenti me analistin Ilir Demliaj një ditë më parë në hollin e një hoteli.

Ai thotë në një intervistë për median se ishte Demalija që e nisi sherri, duke shtuar se në fakt shënjestra nuk ishte ai por kryetari i Partisë Demokratike, Sali Berisha, i cili po mbante një konferencë në hotelin ku ndodhi edhe incidenti.

Gjuzi thotë se të afërmit e tij janë shqetësuar, madje kanë kërkuar që të hakmerren ndaj Demaliajt, por që janë ndaluar prej tij. “Papritur kaloi në holl, dhe lëshoi një ofendim. Unë e kalova ofendimin me idenë ke noi gjë, hajde fol ne tavolin mos fol në këmbë. Në atë moment ai u largua dhe më pas u kthye për së dyti në një mënyrë agresive, me fyerje e sharje. Unë i dhashë një të shtyrë aq sa kisha mundësi ta shtyja që të mos kishte konflikt.

Unë u distancova për ti ikur incidentit, ndërkohë që ai tentoi të më japë një shqelm, por lëvizja ime i shpëtoi asaj goditje, dhe ndërhynë forcat e sigurisë. Sicc e shihni s’kam asnjë goditje, asnjë gjë. Unë mendoj se nuk e kishte me mua, donte të zbehte konferencën e Sali Berishës, kështu e kam informacionin. Dhe vllazëria dhe nipat më thanë do merremi me të, por u thashë jo, se është një përplasje fizike që nuk shkoi në kanosje. I bëj thirrje nipave të mi të mos bëjnë asnjë lëvizje pa u konsultuar me mua”, tha ndër të tjera ai.