Gjykata dënon Fredi Belerin me 2 vite burg

GJKKO ka dënuar me dy vite burg kryebashkiakun e zgjedhur të Himarës, Fredi Beleri.

Pandeli Kokaveshi është dënuar me 3 vite shërbim prove.

SPAK kishte kërkuar 2.6 vite burg për Fredi Belerin për akuzën për blerje votash.

Beleri u arrestua dy ditë para zgjedhjeve të 14 Majit.

Prej kohësh, kjo çështje është bërë temë kryesore diskutimi edhe në marrëdhëniet mes Greqisë dhe Shqipërisë.

Greqia i ka kërkuar shumë herë Shqipërisë të tërhiqet në vendimoin për Belerin pasi kjo do të ndikojë në marrë dhëniet mes dy shteteve fqinje.

Athina zyrtare shpesh ka dërguar përfaqësuesit e saj në seancat gjyqësore të cilët kanë përsëritur qëndrimin e tyre që të lirohet Fredi Beleri dhe të mos shkelen të drejtat e minoritetit.