Gjykata e Apelit lë në burg Valter Bamin

Gjykata e Apelit ka vendosur të lërë në burg Valter Bamin, të dyshuar për atentatin ndaj Gentian Bejtjas, pasi ka refuzuar kërkesën e tij për të shfuqizuar vendimin dhe vlerësimin e ndalimit të masës së sigurimit “arrest në burg”. Kjo bëhet e ditur në kohën kur Bami kërkoi lirimin e menjëhershëm.

I arrestuari ka pretenduar se në hard diskun e tij ndodhen pamje filmike që provojnë se ai ndodhej në shtëpi në kohën e ngjarjes. Për më tepër, ai tha se baruti i gjetur në duart e tij është i një pistolete sportive, e cila ai e disponon me leje ligjore.

Bami u arrestua më 7 korrik 2023, pas atentatit në oborrin e shtëpisë së Gentian Bejtjas, i cili ndodhi mesnatën e 4 korrikut. Në këtë sulm, kunati i Bejtjasit, Ramazan Sino, u ekzekutua, ndërsa dy djemtë e tij, 10 dhe 13 vjeç, u plagosën rëndë.

Gjykata e Apelit ka vlerësuar se pretendimet e Bait janë të paargumentuara dhe ka vendosur që ai të mbetet në burg, duke e mbajtur masën e sigurisë “arrest në burg”. Hetimet vazhdojnë për të zbardhur të gjitha detajet e kësaj ngjarjeje të rëndë.