Gjykata e Lartë rrëzon Ramën për TVSH-në e biznesit të vogël

Ideja e qeverisë për të futur biznesin e vogël në sistemin e TVSH ka marrë goditjen e parë ligjore.

Në një status  të avokatit Daci  këtë të shtunë   sqaron se Gjykata e Lartë ka zbardhur vendimin për padinë e Dhomës së Avokatëve të cilët kundërshtonin futjen e tyre në skemën e TVSH-së. Gjykata u dha te drejte avokateve. Ata thonë se vendimi mund të shfrytëzohet edhe nga profesionistët e tjerë të lirë.

Avokati Jordan Daci sqaron: “Përtej faktit që Gjykata e Lartë është shprehur vetëm për avokatët edhe profesionet e tjera të lira që ndodhen në të njëjtën situatë, praktikisht nëse do ti drejtoheshin gjykatës do ta kenë fituar, sepse vendimi unifikues ka vlerë detyrues për të gjitha gjykatat e tjera, sepse pavarësisht se gjykata u vu në lëvizje nga avokatët ajo ka shqyrtuar çështjen ligjore të vendimit të Këshillit të Ministrave”.

Daci thotë se qeveria duhet të ketë parasysh këtë vendim gjykate kur të përgatisë paketën e re fiskale, në rast të kundërt, është rruga e hapur për të goditur qeverinë në Gjykatën Kushtetuese.