Gjykata e Posaçme nis gjykimin për Blendi Tetën, nxori emrat e anëtarëve të “Klanit DUKA’

I vetmi person që akuzohet nga Prokuroria dhe do të dalë sot para togave të zeza është Blendi Teta. Ky i fundit është personi që ka mbajtur nën vëzhgim Malkon dhe në momentin që “rruga ka qenë e pastër” ka sinjalizuar atentatorët.

SPAK e akuzon Tetën për veprën penale “Vrasje me paramendim, në kuadër të grupit kriminal”.

Blendi Teta u arrestua menjëherë pas ngjarjes, por mohoi përfshirjen në vrasje. Më pas nga kqyrja e kamerave të sigurisë në zonë, doli se ai ishte pjesë e “Klanit Duka” dhe kishte ndihmuar atentatorët të kryenin ekzekutimin.

Në kërkim për këtë ngjarje janë dhe 7 persona të tjerë, vëllezërit Leonard dhe Elis Duka, Fatmir Hyseni, Xhoni Nica, Oltian Loka, Aleksandër Maxhaku dhe Dritan Agaj. Ndërkohë, në burg dhe i akuzuar gjithashtu si i përfshirë në vrasje është dhe Ilir Selmani.