Gjykata i merr pasaportën Tahirit, nga sot nuk ka pasaportë për të udhëtuar jashtë vendit
Detajet/ Tahiri i kërkon llogari gjyqtares, pas gjyqit deklaron: Do flas shumë shpejt
Ka përfunduar para pak minutash seanca gjyqësore kundër Saimir Tahirit, teksa gjykata e krimeve të rënda ka vendosur që masa e shtrëngimit të bllokimit të pasaportës së ish ministrit të mbetet në fuqi.
Por në seancë vetë Saimir Tahiri i ka kërkuar “llogari” gjyqtares Liljana Baku, se mbi çfarë provash po i heqin pasaportën.
Tahiri ka pyetur gjyqtares se çfarë provash kanë për këtë masë, duke kërkuar që t’i hiqet masa e bllokimit të pasaportës.
Në përfundim të seancës gjyqësore Tahiri nuk ka dashur të prononcohet duke u thënë gazetarëve se do të flasë shumë shpejt.
Nga ana tjetër avokati i tij Maks Haxhia u shpreh shkurtimisht se do të apelojnë vendimin e Gjykatës së Krimeve të Rënda, duke shtuar vetëm këtë fjali:
“Kjo gjykatë sshtë kthyer në një noteri të kërkesave të prokurorisë”
Keni një histori? Denonco anonimisht, identiteti juaj mbrohet.
Denonco
