Gjykata Kushtetuese rrëzon kërkesën e Arta Vorpsit

Arta Vorpsi, e emëruara e KED se anëtare e Gjykatës Kushtetuese u ka bërë një kërkesë kolegëve të asaj që janë emëruar në organin e parë të drejtësisë në vend, por ka përjashtuar njërën prej tyre, Marsida Xhaferllarin.

Në këtë kërkesë Vorpsi shkruan se kërkon nga katër anëtarët Vitore Tusha, Elsa Toska, Fiona Papajorfgji, Besnik Muçi, njohjen e mandatit të saj, ndërkohë që anëtarja që është lënë jashtë emrave të cilëvë ajo u drejtohet në kërkesë, Marsida Xhaferllari, nuk ka qenë e pranishme në mbledhjen e sotme.

Por kërkesa e saj u rrëzua për shkak se numri i anëttarëve është vetëm 4 dhe nuk mund të marrin një venidim.

Njoftim për median:

Jemi njohur me Rezolutën e miratuar nga Kuvendi i Shqipërisë sot, në datën 15.11.2019, për “Shmangien e krizës kushtetuese me synim legjitimitetin e Gjykatës Kushtetuese – detyrë imperative e organeve më të larta të shtetit”.

Në citim të Kushtetutës, Gjykata Kushtetuese e Shqipërisë zgjidh mosmarrëveshjet kushtetuese dhe bën interpretimin përfundimtar të saj. Gjykata Kushtetuese i nënshtrohet vetëm Kushtetutës.

Për sa më sipër, lidhur me Rezolutën e miratuar nga Kuvendi i Shqipërisë, Gjykata Kushtetuese sqaron se, edhe pas plotësimit të disa prej vakancave në përbërjen e saj, nuk e ka ende kuorumin e nevojshëm për të shqyrtuar dhe vendosur në seancë gjyqësore lidhur me kërkesat që paraqiten përpara saj.

Për këtë arsye ajo nuk mund të ushtrojë kompetencat e saj thelbësore apo juridiksionale lidhur me zgjidhjen e konfliktit të kompetencave midis pushteteve apo organeve kushtetuese, si dhe as ato kompetenca që lidhen me shqyrtimin e kushtetutshmërisë së akteve të nxjerra nga organet e pushtetit publik.

Në këto kushte, Gjykata Kushtetuese si një institucion i pavarur, duke zbatuar Kushtetutën dhe ligjin e saj organik dhe legjislacionin në fuqi, si dhe praktikat administrative të ndjekura ndër vite, me qëllim sigurimin e kushteve normale për mbarëvajtjen dhe mirëfunksionimin e veprimtarisë së saj, është duke ndërmarrë të gjitha hapat e nevojshme administrative formale për fillimin e detyrës së tri anëtarëve të rinj, pas betimit të tyre para Presidentit të Republikës.