Gjykata lë në burg babain që plagosi djalin pse nuk shkonte në shkollë

Gjykata e Korçës ka lënë në burg shtetasin me inicialet Sh.Ç., pasi ky i fundit plagosi me thikë djalin e tij të mitur, pas debateve për të mos shkuar në shkollë.

Vendimi u mor ditën e sotme nga togat e zeza të Korçës, të cilët e cilësuan si të ligjshëm arrestimin në flagrancë dhe caktimin e masës së sigurimit “Arrest në burg” për shtetasin Sh. Ç., i dyshuar për kryerjen e veprës penale “Dhuna në familje”.

“Në Gjykatën e Shkallës së Parë e Juridiksionit të Përgjitshëm Korçë, u zhvillua sot në datën 03.11.2024 ora 11:00 seanca me objekt: ‘Vleftësim arresti në flagrancë, caktim mase sigurimi’, ndaj shtetasit Sh.Ç i dyshuar për kryerjen e veprës penale ‘Dhuna në familje’, parashikuar nga neni 130/a/1i Kodit Penal, ku gjykata në përfundim vendosi: Pranimin e kërkesës. Vleftësimin si të ligjshëm të arrestit në flagrancë dhe caktimin e masës së sigurimit ‘Arrest në burg’ për këtë shtetas”, thuhet në njoftim.