Gjykata lë në burg gjyqtaren e Krujës

Hoxha pak ditë më parë kishte kërkuar që t’i ndryshohej masa nga “arrest me burg” në “arrest shtëpie”, pasi djali i saj kishte nevojë për përkujdesje dhe se vajza e mitur kishte lënë shkollën që kur nëna ishte arrestuar.

GJKKO ka refuzuar kërkesën duke e lënë kështë gjyqtaren në burg.

Gjyqtarja Enkelejda Hoxha së bashku me 9 të tjerë janë arrestuar me urdhër të SPAK teksa ishin në seancën gjyqësore, ku kësaj here do t’i jepnin lirinë Sajmir Petanit i dënuar për vrasje..

Gjyqtarja Enkelejda Hoxha është gjyqtarja e Krujës, e cila ka firmosur lirimin nga burgu të anëtarit të bandës së Durrësit, Endrit Dokle, i cili ishte dënuar me burgim të përjetshëm. Po ashtu Hoxha ka liruar nga burgu Genc Tafilin, i dënuar për vrasjen e komisarit të Policisë Arben Zylyftari si dhe Ilir Pajës, të cilit i kishte mbetur mbi një vit dënim.